Il territori da skis Hochwang en il Scanvetg cumbatta dapi onns cun difficultads finanzialas. Ina gruppa d'interess ha la stad passada vulì ramassar 800'000 francs. Questa finamira è vegnida cuntanschida cleramain: in milliun francs è vegnì ensemen. Pia duai il runal e la sutgera vegnir averta la proxima stagiun.
La finamira è d'avrir ils 21 december 2024. Per il mument en tut las glischs verdas.
I fiss gist il 40avel giubileum, di Peter Beeli dal cussegl administrativ. Da l'onn 1984 è il runal girà per l'emprima giada. Per che quai va era vinavant uschia dovran els dentant sustegn. Il territori da skis ha numnadamain bunamain mintg'onn scrit cifras cotschnas. En onns buns era il quint equilibrà. En futur speran els sin ina part da las taxas da turissem ed sin ina contribuziun annuala da la vischnanca da 100'000 francs.