La vischnanca Lumnezia en Surselva ha venderdi saira gì ina radunanza communala. Il suveran da Lumnezia ha tranter auter approvà duas dumondas da credit. Omaduas dumondas pertutgan l'areal da scola dal vischinadi Cuschnaus. Tut en tut vegn investì 570'000 francs en quest areal da scola. Quai cun tranter auter ina nova cuvrida da catram e la construcziun dad in uschenumnà pumptrack – pia in traject da velo per l'areal da scola a Cuschnaus.
Plinavant ha la radunanza decidì dad approvar il rendaquint final per l'avertura dal quartier Bual en il vischinadi da Morissen. Ed er la Lescha da persunal per la vischnanca Lumnezia ha la radunanza approvà per mauns da la votaziun a l'urna.