La vischnanca Lumnezia ha chattà ina chanzlista. La suprastanza communala ha elegì Silvana Caviezel en quest post. Ils davos 5 onns ha ella gia lavurà sco substituta dal chanzlist. Ella succeda ad Ivan Derungs. Silvana Caviezel entra en uffizi immediat.
Davos chanzlist terminà suenter be dus mais
Dapi l'atun 2021 aveva la vischnanca tschertgà in chanzlist e lura annunzià la primavaira da quest onn d'avair chattà ina schliaziun cun Ivan Derungs. L'um da 25 onns cun ragischs lumnezianas ha dentant terminà ses engaschi en enclegientscha vicendaivla suenter gnanc 2 mais.
