Pliras organisaziuns da l'ambient han fatg recurs cunter la decisiun da la regenza che dat glisch verda da colliar Breil e Vuorz cun ina via tras il territori da «Migliè». Tranter auter èn quai la Pro Natura, il WWF e la Fundaziun svizra per la protecziun da la Cuntrada.
Tenor il president da vischnanca Breil, Clau Schlosser, saja il motiv principal da las recurrentas ch'i na dovria betg la via. La protecziun da l'ambient haja tenor els prioritad.
Ils recurrents na vesan betg il gudogn per la vischnanca u per quels che vivan qua.
La colliaziun è part integrala dal contract da fusiun da Breil, Vuorz ed Andiast da l'onn 2017, uschia ch'ella è ina premissa per serrar giu la fusiun. Armando Lenz, mainafatschenta Pro Natura Grischun, di che la Val da Migliè saja fitg preziusa. Ella haja ina cuntrada intacta.
La decisiun da la regenza ha tenor nus betg valità ils interess da la natira tras il Migliè.
La Dretgira administrativa dal chantun ha uss da decider en chaussa, tge che retardescha danovamain la colliaziun.
