La primavaira 2020 avess la societad da musica da Vignogn vulì festivar il giubileum da 100 onns. Ma pervia da corona è quella vegnida spustada sin il matg 2021. E puspè ha la pandemia fatg in stritg atras il quint. Uss duai la festa da giubileum esser ils 13 e 14 da matg 2022. Per quest giubileum datti era ina cronica.
Tschop blau, libroc cotschen e chautscha naira
Ma gia la dumengia passada, il di da perdunanza, èn musicantas e musicants sa preschentads en unifurmas novas e cun instruments novs. L’unifurma è: Tschop blau, libroc cotschen e chautscha naira.
Sculptura d'Alfons Montalta
Part da questa festa cun in concert da la musica, è era ina sculptura da l’artist Alfons Montalta da Morissen. Ella simbolisescha ina clav violina cun la vopna da Vignogn che regorda al giubileum da 100 onns.
Bildergalerie
-
Bild 1 von 5. La societad da musica cun la sculptura per il giubileum. Bildquelle: RTR, Hubert Giger.
-
Bild 2 von 5. Durant il pitschen concert sin plaz cadruvi. Bildquelle: RTR, Hubert Giger.
-
Bild 3 von 5. En processiun durant la dumengia da perdunanza. Bildquelle: RTR, Hubert Giger.
-
Bild 4 von 5. En processiun. Bildquelle: RTR, Hubert Giger.
-
Bild 5 von 5. La fotografia per l'album da giubileum. Bildquelle: RTR, Hubert Giger.
La societad da musica da Vignogn ha success – en in vitg cun ca. 150 abitants ed abitantas. Quai saja d’engraziar surtut al dirigent, di Erwin Derungs, il president da la musica. Els sajan dentant era dependents da musicantas e musicants d’ordaifer il vitg. Ma el constatescha ch’i dettia pli e pli paucs musicants e musicantas giuvenas. Per tegnair il nivel saja quai impurtant dad era dar concerts cun musica moderna, quai plaschia als giuvens.