L’emna passada èsi reussì a la surveglianza da chatscha da narcotisar in luf en la Val Medel e d’equipar quel cun in emettur. L’uffizi da chatscha e da pestga spetga ch’ins possia survegnir differentas infurmaziuns davart il sa cuntegnair dal luf, uschia il manader da l'uffizi Adrian Arquint.
Pir da curt era in luf a Sursaissa vegnì equipà cun in’emettur, dentant senza success. Arquint ha er refusà la critica da purs da la Val Medel che l’infurmaziun en connex cun il luf saja insuffizienta.