Trun Zinzera - Rempar vegn svidà sin l'enviern

La plievgia ferma ha chaschunà plirs donns sin il territori da Trun. Sco che la vischnanca scriva, saja ina bova glischnada en l'aua dal rempar da la Zinzera il venderdi. Il rempar sur il quartier Darvella saja emplenì dal tut, ha il president communal Dumeni Tomaschett confirmà sin dumonda. Per il mument na saja betg pussaivel da far liber il chanal, communitgescha la vischnanca da Trun. L'aua culia però sur il rempar ora en il chanal.

Il stab directiv è londervi da procurar las maschinas per ch’il rempar da la Zinzera sappia vegnir svidà ton sco pussaivel sigl enviern.

Entant èn las vias vers Nadéls, la via da velos Rensch e la senda sursilvana tranter Cartastscha e Schlans serradas per raschuns da segirezza. Il stab directiv haja analisà la situaziun cun il geolog chantunal ed observeschia vinavant la situaziun. Actualmain n'existia nagin privel per la populaziun.