Suenter ina pausa sfurzada da troccas ha la fin d'emna passada gì lieu puspè il campiunadi da troccas. Tranter las 44 equipas ha il duo Renata Cathomas/Helena Diethelm dà il meglier. Las duas campiunessas grischunas han gudagnà en il gieu final cunter Vitus Dermont e Sebastian Camathias.
Per ils organisaturs èsi stà impurtant da puspè porscher il campiunadi, scriva la FMR. Betg decidì saja, sch’i cuntinueschan cun il campiunadi dad in di u sch’els turnan tar in turnier che va sur dus dis.
Adattà al tema
Renata Cathomas è ina veritabla experta da troccas. En il rom dal format RTiR ha ella declerà las reglas, tips e trics.