-
Bild 1 von 7. Bildquelle: RTR, Gion Gieri Flepp.
-
Bild 2 von 7. Bildquelle: RTR, Gion Gieri Flepp.
-
Bild 3 von 7. La fresa per il vial dal stil classic da passlung è in dals pli impurtants instruments vi da la maschina da pista. Bildquelle: RTR, Gion Gieri Flepp.
-
Bild 4 von 7. Cun la fresa lunga fan maschinist e maschina il bel «tarpun» da la loipa. Bildquelle: RTR, Gion Gieri Flepp.
-
Bild 5 von 7. La maschina da pista ha gia 10 onns, ma tuttina èn gia bleras funcziuns digitalisadas. Bildquelle: RTR, Gion Gieri Flepp.
-
Bild 6 von 7. Thomas Castelberg. L'um che prepara dapi 25 onns cun in fin maun la loipa tranter Trun e Mustér. Bildquelle: RTR, Gion Gieri Flepp.
-
Bild 7 von 7. Tant a la fin d'ina runda sco er al cumenzament controllescha Thomas Castelberg che la maschina e la tecnica n'hajan nagins donns. Gist cura ch'igl ha pauca naiv pon las vibraziuns p. ex. chaschunar donns. Bildquelle: RTR, Gion Gieri Flepp.
Cunzunt ils emprims meters è il sentiment da l'um da 58 onns dumandà. Lura èsi numnadamain da drizzar ils parameters da la maschina a las cundiziuns dadorvart. Vul dir: quant profund duess la fresa da naiv tagliar en, tge spertadad è adattada, ed era l'anghel dal tagl saja decisiv. Ma i n'è natiralmain betg fatg cun drizzar tut ina giada. Cun ils massa nuvs, la roda da manar che sumeglia ad ina d'in aviun sco er cun il joystick fa el adina puspè pitschnas correcturas.
-
Bild 1 von 7. Fin in tschert punc è il maschinist er liber da furmar la loipa. El po p. ex. decider sch'el vul far ina storta u betg ed è uschia in pau er l'architect da la loipa. Bildquelle: RTR, Gion Gieri Flepp.
-
Bild 2 von 7. I tutga er tiers da nudar las uras, il servetsch ch'è vegnì fatg sco er observaziuns spezialas u donns en il cudeschet correspundent. Bildquelle: RTR, Gion Gieri Flepp.
-
Bild 3 von 7. Bildquelle: RTR, Gion Gieri Flepp.
-
Bild 4 von 7. Ina maschina da pista na possian ins betg simplamain metter giu sc'in auto e lura ir, uschia Thomas Castelberg. P. ex. ston ins laschar sfradentar il motor avant che tschentar ora el per ch'i na dettia nagins donns. Bildquelle: RTR, Gion Gieri Flepp.
-
Bild 5 von 7. A la fin da mintga tura tutga er da tancar la maschina per il proxim di. En il servetsch da far loipa dovra la maschina radund 11 liters diesel per ura. Bildquelle: RTR, Gion Gieri Flepp.
-
Bild 6 von 7. Bildquelle: RTR, Gion Gieri Flepp.
-
Bild 7 von 7. Bildquelle: RTR, Gion Gieri Flepp.
In factur impurtant è, tenor l'um che fa gia 25 onns la loipa sisum la Surselva, la temperatura. Sch'i saja fraid durant il di e la notg (sut nulla grads), lura giaja quai il meglier. Critic vegnia, cura ch'i fetschia +4 u 5 grads durant il di, e sch'i schelia la notg. Lura dettia plitost glatsch che naiv.
Ina lavur da 100%
Actualmain na lubescha la situaziun da naiv betg da preparar l'entira loipa tranter Trun e Mustér. Uschia èn era las rundas da Thomas Castelberg pli curtas. Ma sch'el prepara l'entira loipa, ch'è cun passa 30 kilometers la pli lunga da la Surselva, ed anc la pista dal pitschen runal da skis, lura è el tranter set ed otg uras en viadi. Quai per part mintga di ed il bler tranter las 17:00 la saira e 01:00 la notg. Il maschinist lavura pia la saira u la notg e ha lura liber durant il di.
Muments da bellezza e da quietezza
Tar tut la concentraziun ed ils detagls, ch'il bab da famiglia ha da tegnair en egl en la maschina, datti era muments pli ruassaivels u spezialmain bels, per part schizunt in pau meditativs, cun la ramur monotona da la maschina e la naiv da la loipa che traglischa en la glisch dals reflecturs. Quai sajan lura quels muments, nua ch'el possia metter giu ils quitads, sa quietar e sa revegnir.
Savens entaupa Thomas Castelberg lieurs, vulps u entiras rotschas da tschiervs. Quels giajan magari lungs tocs davant la maschina e bandunian pir lura la loipa. Uschia saja mintgatant schizunt da sa fermar e spetgar. Ils animals na sa laschian betg disturbar.
Er a Sagogn vegn lavurà cun pauca naiv
Fertant ch'igl ha sisum la Surselva almain anc ina cozza che lubescha da far loipa, èn ils da Sagogn dependents dal tuttafatg da naiv artifiziala. La finamira è da realisar la loipa uschia ch'i po dar ina cursa la fin d'emna. Memia bler sulegl u er temperaturas autas èn però er in privel per la loipa cun naiv artifiziala.
-
Bild 1 von 6. Sco emprim porta in camiun naiv producida e stgargia quella sin il parcadi sper la scola. Bildquelle: MAD.
-
Bild 2 von 6. Lura vegn la naiv chargiada sin la maschina da trair grascha. Bildquelle: MAD.
-
Bild 3 von 6. Uschia tira la maschina da grascha durant l'enviern naiv sur il prà. Bildquelle: MAD.
-
Bild 4 von 6. Uschia tira la maschina da grascha durant l'enviern naiv sur il prà. Bildquelle: MAD.
-
Bild 5 von 6. Cura che la naiv è sin il terren vegn la maschina da pista en acziun per far la loipa. Bildquelle: MAD.
-
Bild 6 von 6. Il resultat è ina fina loipa sin il terren anc senza naiv. Bildquelle: MAD.
RTR actualitad 07:00