Diana Erler (40 onns) è stada a la tschertga d’ina nova sfida. Ina sfida per s’avrir e per perder in pau las retegnientschas. Uschia ha sia scheffa ed in giast regular annunzià la cuschiniera Diana Erler per l’emissiun «The Taste».
Jau sun stada surpraisa, cura che quels da SAT.1 èn s’annunziads tar mai.
En l’emprima episoda ch'è vegnida mussada l’emna passada, ha la cuschiniera da Laax persvas cun ses menu. Quai tant il cuschinier da stailas Tim Raue sco era Frank Rosin. Ella è lura sa decidida per il team da Tim Raue.
Per mai è quai stada in’experientscha dal tuttafatg nova ed in’experientscha grondiusa.
Co ch'i va enavant suenter l’emprima episoda e sch'ella vegn perfin en il final, n'ha Diana Erler betg vulì tradir.