Sch’ins è a Breil durant in bel di d’enviern stgauda il sulegl la glieud che va a spass tras il vitg. Tgi che mira da la spunda sulegliva giu en la val, vesa giu là il vitg da Tavanasa ch'è en la sumbriva. Co fiss quai per la glieud che nus inscuntrain a Breil, da s’imaginar da viver en in lieu sco Tavanasa? A quellas e quels ch'èn disads cun bler sulegl, na fa la sumbriva betg gust.
Tranter november e fin schaner na po il sulegl betg sur la muntogna, uschia che las abitantas ed ils abitants da Tavanasa vivan permanent en la sumbriva. Tar ina visita en il vitg avain nus dumandà co che quai saja per els da stuair desister durant plirs mais dal sulegl. Bler haja da far cun disa.
Tavanasa – L'enviern en sumbriva
-
Bild 1 von 4Legenda: Vista sin Tavanasa, giu da Dardin. RTR -
Bild 2 von 4Legenda: Il sulegl en vista sur Danis ch’è da tschella vart dal Rain. RTR
-
Bild 3 von 4Legenda: In mund senza radis da sulegl: sin la via principala da Tavanasa. RTR
-
Bild 4 von 4Legenda: Sin la via principala a Tavanasa. RTR
La glieud che viva en la sumbriva vesa blers avantatgs da star a Tavanasa. Uschia saja bi da guardar sin la vart sulegliva e vesair co ch'il sulegl traglischa è vegnia il schaner adina pli datiers. Ed en il vitg da Tavanasa na haja betg uschè ina truscha da glieud sco en ils lieus turistics.
Sch’ins guarda vi da tschella vart vesan ins ch’iIs radis vegnan adina pli nauagiu, els cuntanschan in pèr chasas a Danis. Guardar or da la sumbriva en la glisch, ha insatge calmant. I para d’esser la midada tranter sumbriva e glisch che fascinescha ils carstgauns.