La cultura na viva betg mo en museums ed ateliers. Ella exista er en l’architectura, en la lingua e la filosofia. L'onn 2021 è la cultura da l’Engiadin’Ota s'unida en ina societad cun il num «Chesas da cultura Engiadina». Quai èn 19 chasas culturalas da Malögia fin a Zuoz.
Il motiv per quella fusiun da las chasas culturalas era da promover il barat tranter las chasas, per represchentar meglier ils interess cuminaivels envers la politica e la publicitad e d'augmentar la visibilitad da la cultura regiunala.
Inszinar la glisch engiadinaisa communablamain
Quest onn organisescha la societad ina premiera: Per l’emprima giada sa preschentan 14 da quellas 19 chasas en in’exposiziun communabla cun il titel «splendur e sumbriva».
Mintga chasa preschenta sias perlas e ses stgazis da la glisch e la sumbriva en sia maniera.
