-
Bild 1 von 5. La concurrenza ha cumenzà. Bildquelle: RTR, Hubert Giger.
-
Bild 2 von 5. L'arbiter dat las ultimas instrucziuns als 6 juniors finalists. Bildquelle: RTR, Hubert Giger.
-
Bild 3 von 5. Geniturs e parents a la concurrenza. Bildquelle: RTR, hubert giger.
-
Bild 4 von 5. Chiara Weishaupt e Tino Coccia. Bildquelle: RTR, Hubert Giger.
-
Bild 5 von 5. Il stan da tir a Pardiala. Bildquelle: RTR, Hubert Giger.
Marcus Caduff, il president dal comité d’organisaziun dal Tir chantunal, è fitg cuntent: Els hajan gì trais bellezza fin d’emnas cun bell’aura. I n'haja dà nagins accidents ubain incaps. El saja stà preschent mintga di en in dals 14 stans da tir. I saja stà ina festa cun bels inscunters e buns discurs. El quinta, ch'era il turissem haja profità cun passa 10’000 pernottaziuns en Surselva.
Fatg cun precisiun
Era il responsabel per il manaschi da sajettar, Hubert Tomaschett, fa ina bilantscha positiva. Sco el enconuschia las uniuns da tir sappia el che tut vegnia fatg cun precisiun e tuts sustegnian quest tir chantunal. Igl haja funcziunà tut tenor plan. I restian bler bels muments, buns contacts en l’entira Svizra e bunas discussiuns sur da quest tir en Surselva.
-
Bild 1 von 2. Ils victurs da la festa cun schluppet (da dr.):. Alessandro Rota, Bergaglia (schluppet d'ordonanza 300 m), Pascal Bachmann, Turitg (schluppet da sport 300) e Lars Färber, Favugn (schluppet 50 m). Bildquelle: MAD, GIUSEP VENZIN.
-
Bild 2 von 2. Ils victurs pistola sin 25 m flancads da las dunnas d'onur:. Elmar Falett, Hansruedi Götti (san.) ed Andrea Vilani (dr.). Bildquelle: MAD, Giusep Venzin.
Final da 6 juniors
Al final dals 6 juniors da sut 21 a Pardiala cun ils schluppets da sport sin 50 meters han era Sursilvans prendì part. Gudagnà questa concurrenza cun la medaglia d’aur ha Valentina Caluori da l’uniun Domat / Ems Sport. Ella fa part da l’equipa naziunala svizra ed è adina stada en il final a la testa dal classament. In bun resultat ha dentant er Tino Cocchia dal l’uniun Surselva Sport fatg cun la medaglia d’argient. Sco ch'el ha ditg ad RTR saja el fitg cuntent cun ses rang.
Tut ils resultats
RR novitads 07:00