-
Bild 1 von 7. La processiun cun la stria Onna. Bildquelle: RTR, Gionduri Maissen.
-
Bild 2 von 7. Il hentger è pronts...... Bildquelle: RTR, Gionduri Maissen.
-
Bild 3 von 7. La gruppa vegn il prim instruida dals reschissurs René Schonz e davos Tina Bundi. Bildquelle: RTR, Gionduri Maissen.
-
Bild 4 von 7. René Schnoz en discurs cun l'actura Leina Flepp che gioga l'Anna. Bildquelle: RTR, Gionduri Maissen.
-
Bild 5 von 7. La scena vegn discutada. Bildquelle: RTR, Gionduri Maissen.
-
Bild 6 von 7. L'actura principala Marina Blumenthal en discurs cun Riccardo Flepp (uibel) e René Schnoz. Bildquelle: RTR, Gionduri Maissen.
-
Bild 7 von 7. René Schnoz declera ina scena. Bildquelle: RTR, Gionduri Maissen.
«La stria da Dentervals» è in toc da teater scrits da Hubert Giger. L’istorgia è ina istorgia tragica d’ina dunna da la Cadi che vegn sentenziada sco stria a la mort. Per manar si quest teater è sa furmà a Mustér ina atgna uniun che vul realisar la producziun ora en il liber.
La halla è memia pitschna
Il palc planisà vegn alura ad esser 100 meters sin 100 meters. Il mument èsi dentant sulet pussaivel da far trenaments en la halla Cons. Las dimensiuns dal areal pon il mument anc mo vegnir s’imaginadas. Per il reschissur René Schnoz è ina da las grondas sfidas da vesair la scena gia en il lieu planisà ma era da far conscient a las acturas ed als acturs las dimensiuns ch’il palc vegn ad avair.
Emprovas en gruppas
Il plan d’emprovas è mintgamai durant las fins d’emna. Quai per René Schnoz – ch’è anc engaschà en pliras autras inscenaziuns, per part sco actur, per part sco reschissur – la suletta pussaivladad. Las scenas vegnan il mument anc trenadas singulas, uschia na ston betg adina tut las acturas ed ils acturs esser preschents a tuttas emprovas ed ins po instruir meglier las persunas, declera René Schnoz.
La fin datti anc 12 emprovas a Sontga Gada
Il matg quinta René Schnoz lura da pudair anc far 12 exercizis ora en il liber avant la baselgia da Sontga Gada. El speria surtut ch’i na plovi betg memia savens il matg, di René Schnoz. Planisà saja da giugar la fin atras otg giadas il toc cumplet e quai stoppia lura bastar.
RR actualitad 08:00