La fracziun Suraua da la vischnanca Lumnezia ha quatter uniuns. Gia dapi onns lavuran quellas uniuns stretgamain ensemen. Ussa han ellas era ina pagina d’internet communabla.
-
Bild 1 von 4. Gian Carlo Albin presidiescha la musica e l'uniun da giuventetgna da Suraua. Bildquelle: RTR, Linus Livers .
-
Bild 2 von 4. Festas a Suraua vegnan accumpagnadas da la musica. Bildquelle: RTR, Linus Livers .
-
Bild 3 von 4. Festas a Suraua vegnan era accumpagnadas dal chor. Bildquelle: RTR, Linus Livers .
-
Bild 4 von 4. Ad ina tipica festa a Suraua en tuttas quatter uniuns activas. Bildquelle: RTR, Linus Livers .
Il december 2016 ha l'uniun da giuventetgna partì ora ina cudeschet cun tut las occurrenzas da las quatter uniuns. Quai ha gì in bun resun tar la populaziun. Ins ha dentant vis spert, che midadas da termins na pon betg vegnir fatgas en il cudeschet.
4 uniuns ina pagina
La schliaziun: Ina pagina d’internet communabla. Las quatter uniuns han decidì e Gian Carlo Albin, il president da l'uniun da giuventetgna e da la musica da Suraua, ha chattà ina schliaziun. La pagina sviluppada da la fatschenta indigena Nervenschoner Informatica ScRL è ina pagina spezialisada per uniuns. Cler è era, che sche quatter uniuns èn da la partida, pon ils custs vegnir partids. Ils custs muntan a 1'000 francs per la pagina sco tala e suenter 125 francs ad onn per hosting e per la domena.
Las emprimas reacziuns sin la pagina da las quatter uniuns sajan stadas positivas, uschia Gian Carlo Albin.
RR actualitad 08:00