Ils davos onns èn las rutas adina puspè vegnidas optimadas uschia che quellas adempleschan actualmain tuttas pretensiuns d’ina gronda cursa da skis da turas. Quai vulan ils organisaturs cun Leo Condrau a la testa nizzegiar per organisar il 2019 ina cursa da la cuppa mundiala.
-
Bild 1 von 8Legenda: Da san. Giochen Bearth (cau-cursa) e Leo Condrau (president) da la Trofea Péz Ault. RTR, Andreas Wieland -
Bild 2 von 8Legenda: Impressiuns la damaun baud davent da Caischavedra. RTR, Andreas Wieland
-
Bild 3 von 8Legenda: Levada dal sulegl. RTR, Andreas Wieland
-
Bild 4 von 8Legenda: Ils favurits èn pronts a la lingia da la partenza. Ils auters in zic pli enavos. RTR, Andreas Wieland
-
Bild 5 von 8Legenda: Concentraziun avant il punct da partenza. RTR, Andreas Wieland
-
Bild 6 von 8Legenda: Il material sto constar. Oz èn ils skis da turas bler pli levs che pli baud. RTR, Andreas Wieland
-
Bild 7 von 8Legenda: Punct la damaun a las otg èn ils curriders populars partids. RTR, Andreas Wieland
-
Bild 8 von 8Legenda: Controlla tar in post. Stefan Schwenke
Quest onn han ils participants pudì eleger tranter duas differentas rutas. La ruta «Verclisa» ha manà ils sportists sur ina distanza da passa 14 kilometers e bunamain 1’700 meters differenza d’autezza da Caischavedra via la Val Verclisa sin il Péz Ault ed enavos sur Gendusas fin a Caischavedra. La ruta «Gendusas» cun ina distanza da bun 8 kilometers e 700 meters differenza d’autezza ha cumenzà a Gendusas e manà sur La Muotta e Lai Alv enavos fin a Caischavedra.
L’ediziun 2017 saja grategiada grondius, di il president dal comité d’organisaziun Leo Condrau, cun ina pitschna excepziun. Encunter mezdi è la tschajera vegnida pli e pli ad aut ed ha uschia sfurzà ils organisaturs d’interrumper la cursa in zic pli baud che giavischà. La gronda part dals participants aveva dentant gia cuntanschì l’arrivada.
Rangaziun da la Trofea Péz Ault 2017
La sfida da segirezza
La responsabladad dal schef da cursa da la Trofea Péz Ault è gronda. Per la segunda giada ha Giochen Bearth da Sumvitg surpiglià quella sfida. Nus vain accumpagnà el in di avant la cursa per mirar sche tut è pront per l’otgavla ediziun da la Trofea Péz Ault.
In participant è Marco Schmed
Marco Schmed da Mustér prenda gia part per la 7avla giada a questa cursa cun skis da turas. Mo questa giada èsi ina premiera per el: El ha elegì la varianta greva cun 14 km.
RR Sportissimo 17:00