-
Bild 1 von 2. La sonda parta la racheta da Trump – . cun quest model èn damaun tschintg buobs e lur geniturs a la partenza per la concurrenza «Pimp my Schlitte». Bildquelle: RTR / Hubert Giger.
-
Bild 2 von 2. Ultimas penelladas –. Yvonne Giossi è vi da l'ala posteriura da la racheta sursilvana per Trump. Bildquelle: RTR / Hubert Giger.
La racheta da Trump è passa tschintg meters lunga. La part interna è construida en lain e tschintg persunas han plaz là per seser sin sadellas. La part exteriura è curclada cun chartun e davos è montà in zaiver. En quel vulan ils construiders brischar sbrinzlas sco quellas per l’emprim d’avust. Sut la racheta èn ina schlieusa ed in pèr skis.
Vopnas da l'America e da Tujetsch
La racheta è colurada en nair. Davostiers d'ina vart è la vopna americana, da l’autra vart la vopna tuatschina. Il piz da la racheta è colurà en aur.
Preschents en las medias
Nov persunas han zambregià quest object: Tschintg buobs e lur geniturs. Las mammas han era stuì crear las monduras.
Las mascras sajan fatschas da Donald Trump, vitiers vegnan chamischas alvas cun cravattas cotschnas, sco Yvonne Giossi ha ditg a RTR. Ses figl Nicolai di, ch’els hajan tschernì quest tema per «Pimp My Schlitte» perquai che Trump saja preschents bler en las medias.