-
Bild 1 von 5Legenda: Sin il reservuar d'aua duai l'antenna nova da 5G vegnir. RTR, Gionduri Maissen -
Bild 2 von 5Legenda: En quest lieu duai l'antenna vegnir. RTR, Gionduri Maissen
-
Bild 3 von 5Legenda: Sur quest reservuar d'aua duai l'antenna da 5G vegnir. RTR, Gionduri Maissen
-
Bild 4 von 5Legenda: La vista dal reservuar d'aua nua che l'antenna è planisada sin il vitg da Rueun. RTR, Gionduri Maissen
-
Bild 5 von 5Legenda: L'antenna existenta giu la staziun da Rueun. RTR, Gionduri Maissen
L’interpresa Swisscom vul construir in'antenna da 5G sur il vitg da Rueun. Per quest intent ha la suprastanza da la vischnanca da Glion approvà in contract d’affittaziun. Quel ha ella publitgà en il fegl uffizial da la Surselva dals 15 da mars. Sin fundament da questa infurmaziun è sa furmada resistenza.
In'antenna hai gia, daco ina segunda?
L’argument principal ch’ins auda quasi da tuts è ch’igl ha gia in'antenna per la telefonia mobila sut il vitg da Rueun e ch’ina segunda sisum il vitg fiss da memia. Surtut l’aspect da la sanadad è in grond tema, era sche quai n’è fin uss ni cumprovà ni dementì scientificamain.
Era sa dumonda la populaziun daco che las sinergias na vegnan betg nizzegiadas. Uschia fissi da duvrar l’antenna existenta da pliras interpresas ed uschia evitar ch’ins construeschia dapertut antennas, accentuescha Gion Tschuor che ha scrit ina brev da lecturs en «La Quotidiana» ed uschia mess en moviment ina opposiziun che n’è probablamain betg pli da franar.
RR actualitad 07:00