Per il 2023 è il Calender Romontsch garantì. La Surselva Romontscha surpiglia en il collectiv la redacziun. Quai ha confermà a la FMR il president partent da l'organiaziun, Alberto Palaia. Ins fetschia quai en collavuraziun cumprovada cun la chasa editura Somedia per in onn d'emprova. Sche la furma sa cumprovia, hajan ins l'opziun da cuntinuar ils proxims onns.
Per l'ediziun dal 2023, vegnia era l'anteriura redactura, Lisa Schmidt-Candinas, a collavurar. La collavuraziun en ina squadra da pliras persunas era stà il giavisch dad ella cura ch'ella aveva abditgà sco redactura.
