Legenda:
In auto ha pers benzin perquai ch'el è charrà sin in viertgel da tumbin ch'ils delinquents han laschà per terra.
Pocha GR
cuntegn
Surselva - Polizia ha chattà ils vandals
La Polizia chantunala grischuna ha chattà ils delinquents ch'han fatg plirs donns da material a Flem la notg sin dumengia, quai grazia a l'agid da la populaziun.
Sco quai che la polizia scriva, hajan ils 5 umens confessà ils delicts. Cun las indicaziuns da perditgas hajan ins pudì tegnair si ed interrogar ils delinquents oriunds da la Svizra franzosa.
In dad els è vegnì denunzià a la Procura publica grischuna. Quel aveva prendì davent il viertgel dad in tumbin sin al Via Nova, qua tras era in auto da persunas vegnì donnegià.
