-
Bild 1 von 7Legenda: Ils participants n'han betg preparà in toc, mabain chantan en gruppa. Giusep Venzin -
Bild 2 von 7Legenda: Ins vesa il plaschair vida il chant en las fatschas dals giuvenils. Giusep Venzin
-
Bild 3 von 7Legenda: Cun attenziun taidlan ils giuvenils al reschissur Roland Körner. Giusep Venzin
-
Bild 4 von 7Legenda: Ina da las gruppas da participants dal casting per il musical «80 dis enturn il mund». RTR, Gionduri Maissen
-
Bild 5 von 7Legenda: Ina gruppa è pinada per sa preschentar al casting. Giusep Venzin
-
Bild 6 von 7Legenda: Il coach da chant Claudio Bezzola vida exercizis da chantar en. Giusep Venzin
-
Bild 7 von 7Legenda: Il chant fa plaschair als giuvenils. Giusep Venzin
Ils organisaturs èn sa mussads da principi cuntents cun il casting da la dumengia a Vella. Il reschissur Roland Körner n’ha betg fatg in casting sco ins enconuscha da la televisiun. Las 13 giuvnas ed il sulet giuven n’han betg preparà in toc e preschentà quel, mabain il coach da chant Claudio Bezzola ha laschà improvisar ils giuvenils cun tocs pli u main enconuschents.
Alura han ils giuvenils era gì da mussar lur abilitads sco acturs. La finala era il president da l’uniun musical-surselva Daniel Blumenthal cuntent cun l’emprim casting, il sulet che fa in zic mal al venter ad el è la participaziun plitost magra.
Dovra anc ina giada tants participants
La participaziun plitost magra al casting, uschia ch’ils organisaturs han la finala stuì stritgar in dals dus castings planisads, na po Daniel Blumenthal betg declerar.
Probabel hajan ins laschà memia pauc temp per s’annunziar e cun las vacanzas d’atun saja era pussaivel ch’il termin d’annunzia saja sco ì suten, di Blumenthal. Ord quest motiv vegnian ins uss era a far in segund casting probabel l’entschatta da l'onn 2019, han ditg Blumenthal e Körner. Il termin exact n’è anc betg fixà.
Dapli infurmaziuns per sa participar al casting:
RR actualitad 12:00