-
Bild 1 von 9. En tut ha Marc Bundi da controllar mintgadi 62 sadellas. Bildquelle: RTR, Gionduri Maissen.
-
Bild 2 von 9. La saiv da protecziun maina gist dasper la via principala. Bildquelle: RTR, Gionduri Maissen.
-
Bild 3 von 9. Il selvicultur da Breil Marc Bundi sin la tura da controlla, fin uss n'ha el chattà nagut. Bildquelle: RTR, Gionduri Maissen.
-
Bild 4 von 9. Marc Bundi sin sia tura da controlla. Bildquelle: RTR, Gionduri Maissen.
-
Bild 5 von 9. Ina rauna era en la sadella. Bildquelle: RTR, Gionduri Maissen.
-
Bild 6 von 9. Sulet ina rauna era da chattar la damaun. Bildquelle: RTR, Gionduri Maissen.
-
Bild 7 von 9. Sulet ina rauna era da chattar. Bildquelle: RTR, Gionduri Maissen.
-
Bild 8 von 9. Era fastizs dal castur avain chattà a la riva dal Rain. Bildquelle: RTR, Gionduri Maissen.
-
Bild 9 von 9. Era lavurs da reparatura èn savens da far. Bildquelle: RTR, Gionduri Maissen.
Dapi dus onns vegn tranter Tavanasa e Rueun fatg ina saiv da protecziun per raunas e rustgs. La saiv ha ina lunghezza da radund trais kilometers. L’Uffizi chantunal d’ambient coordinescha questas mesiras, per pudair elavurar in project da proteger permanent ils amfibis periclitads. Uschia vegnan documentads tut ils animals ch’ins chatta sin l’entira lunghezza, per pudair alura construir durant las lavurs da sanaziun, indrizs permanents sco tunnels per proteger las raunas ed ils animals.
Il mument hai num controllar las sadellas mintga di
En tut èn 62 sadellas chavadas en la terra, ed ina saiv maina mintgamai ils amfibis en questas sadellas. E mintga sadella ha era in numer, uschia po il chantun la finala eruir, nua che indrizs stabels fan propi senn.
En la regiun visitada viva surtut in gronda populaziun da rustgs, e quels èn da natira betg uschè movibels sco las raunas. Uschia pudess ina entira populaziun svanir, sch’ella sto adina puspè traversar ina via fitg frequentada. Perquai fan las lavurs da protecziun propi senn, declera il selvicultur da la vischnanca da Breil, Marc Bundi.
- Dapli dal project «Missiun B».
- Registrai Vossa surfatscha biodiversa sin missiunb.ch.
- As participai a nossa gruppa sin Facebook.
Ord noss archiv:
RR actualitad 08:00