El ha chattà la gronda part dals manuscrits en in relasch privat d’ina persuna che ha era num Alfons Tuor. Il cudesch cuntegn sper las poesias e las variantas er in commentari, fotografias e brevs.
Surlavurà poesias
Renzo Caduff ha ditg che quai saja stà ina bella experientscha, ma i saja stà in temp intensiv d’edir quest cudesch. Fascinant saja per el co che Alfons Tuor lavurava vid sias poesias, co ch'el scriveva ina emprima versiun e publitgava forsa quella e co ch'el surlavurava ella e publitgava ina segunda giada.
Impurtant d'edir quest cudesch
Leo Tuor, il scrivent che deriva dal medem vitg, di ch’i saja fetg impurtant d’edir quest cudesch, pertge che lura legia la glieud el. Senza Alfons Tuor n'avess el forsa mai scrit.
