-
Bild 1 von 3Legenda: La residenza da seniors dal biro d'architectura da Conradin Clavuot integrescha la claustra veglia (bajetg rosa) mad -
Bild 2 von 3Legenda: Visualisaziun da la residenza da seniors a Glion. mad
-
Bild 3 von 3Legenda: Visualisaziun da la residenza da seniors a Glion. mad
La zona per bajetgs publics sco ella è existenta en il plan d'areal, avess duvrà mo il consentiment da la direcziun da la vischnanca ed il consentiment da la regenza grischuna ed ins avess pudì bajegiar. La nova zona che sto anc vegnir creada sto vegnir en in plan da zonas e quel vegn l’emprim avant il pievel. Per ils investiders ina chaussa pli cumplitgada. I vala da persvader il pievel e betg mo las instanzas.
Fin che quella midada da zona vegn approvada e la dumonda da bajegiar po vegnir tschentada, quinta Marco Caminada il manader da l’ uffizi da bajegiar da Glion ch’i vegnia l’auter onn.
Tuts vulan realisar enavant quest project
La soras dominicanas che vendan il prà e la claustra veglia che vegn integrada en quest project, han sincerà da persequitar vinavant quest project. Medemamain è era l’investider principal la Nocasa SA da Norbert e Flurin Candinas, vinavant da la partida, quai malgrà che l'entira procedura vegn pli lunga. Davart da la vischnanca da Glion ha Marco Caminada ditg ch’era els vegnian a promover quest project da la residenza da seniors.
RR actualitad 12:00