-
Bild 1 von 4Legenda: Ina gruppa d'uffants surdat la petiziun. RTR, Linus Livers -
Bild 2 von 4Legenda: Patinar, dar hockey e sa divertir sin il glatsch – per quai s'engascha la gruppa d'interess Prau la Selva. RTR, Linus Livers
-
Bild 3 von 4Legenda: Ulrike Hörler ed Adrian Steiger n'han betg il fain sin il medem ladritsch. RTR, Linus Livers
-
Bild 4 von 4Legenda: Enstagl da la halla duessi dar qua in lajet e chasas da vacanzas. RTR, Linus Livers
Duai il center da sport «Prau la Selva» far plaz ad in resort da vacanzas cun hotel e chasas da vacanzas ed in lajet? Quai è il punct da partenza da la dispita.
La petiziun saja in clom d'agid che vegn sustegnì da 2'559 persunas. Quai di Ulrike Hörler, la pledadra da medias da la gruppa d'interess per il center «Prau la Selva».
Suttascrit han
- 478 persunas da Flem
- 800 persunas da la regiun davent da Trun fin Cuira
- varga 1'200 èn possessurs da segundas abitaziuns, giasts da vacanzas e sportists
La gruppa d'interess per il center da sport «Prau la Selva» ha inoltrà sco emprim questa petiziun per raschun che tut fascheva prescha. La lubientscha da pudair far glatsch crudava cun la stagiun d'enviern. Pir avant in mais èsi stà cler ch'i dettia ina lubientscha fin primavaira 2020.
Iniziativa mo sch'i fa da basegn
«Nus vulain il discurs, cun la suprastanza», da quella opiniun è la gruppa d'interess «Prau la Selva». L'opiniun è dentant clera. I dovria betg dapli hotels ed abitaziuns da vacanzas en la regiun. I dovria era infrastructura per che indigens e giasts possian far sport en questa regiun.
Il schaner vegn la vischnanca ad orientar la populaziun, co vinavant. Fin lura spetga era la gruppa d'interess cun lantschar in'iniziativa.
RR actualitad 17:00