Il concept da la finanziaziun turistica a Val S. Pieder è sin buna via. Il suveran na desista betg mo da las pretensiuns da 3,2 milliuns francs visavi las pendicularas. El ha era approvà ina garanzia ed in emprest da banca.
Cunvegnas da prestaziun
Latiers ha el acceptà duas cunvegnas da prestaziun. Quellas regleschan, co il manaschi da las gondlas, ils servetschs turistics dal biro da traffic, il bus da stad ed il marketing da destinaziun vegnan indemnisads. Ils meds persuenter derivan d'ina nova taxa d'alloschament che remplazza la taxa da cura, ina taxa per promover il turissem, sco fin qua, e meds ord la cassa communala.
Davart la lescha da la taxa d'alloschament e la taxa per promover il turissem vegn votà ils 25 da november a l'urna. Medemamain davart la revisiun parziala da la lescha da taglia communala. Quella prevesa in augment da la taglia d'immobiglias da 1 sin 2 ‰.
RR novitads 06:00
