-
Bild 1 von 4Legenda: Ils profils En la Val Acletta che mussan il rempar da plirs meters autezza che duai tegnair si il material che pudess vegnir cun ina bova. RTR, G. Hosang -
Bild 2 von 4Legenda: Ina bova che vegn da questa val giu pudess periclitar las pendicularas e las chasas giusut RTR, G. Hosang
-
Bild 3 von 4Legenda: Er il ressort che vegn bajegià sin il parcadi visavi las pendicularas è en zona da privel RTR, G. Hosang
-
Bild 4 von 4Legenda: In rempar per proteger las chasas dovri era en quests curtins. RTR, G. Hosang
Per il president da vischnanca da Mustér Francestg Cajacob datti surtut duas raschuns: Sch’els realiseschian uss quest project datti daners da l'investider Marcus Weber e da confederaziun e chantun. Latiers vegn che las Pendicularas Mustér sajan uss partidas en da nov en la zona da privel cun bovas ed auas. Weber dat ca. 1.6 milliuns francs; fin uss na po Francestg Cajacob betg anc dir, quant ch’il maun public dettia. Quai vegnia decidì ils proxims dis.
Plinavant saja quai era in avantatg per il Resort Catrina. Sch’els fetschian uss il rempar na stoppian ins betg far pli mesiras da segirtad vid il resort, vul dir ins na stuessi betg auzar quel per 1,5 fin 2 meters e construir mirs supplementars.
In tema – dentant mo a l’ur – e quest project era a la saira d’infurmaziun glindesdi, ils 24.d'october 2016. I sa tracta d’ina infurmaziun publica cun discussiun al podium sur dals projects turistics a Mustér e Sedrun.
RR actualitad 07:00