L’emprim vegnan installadas sondas per la pumpa a chalira. Suenter cuntinueschian els a bajegiar las duas chasas cun abitaziuns en la part sut, sco Marcel Thoma da Prime Elements ha ditg ad RTR. I dat ina chasa cun 10 abitaziuns, l’autra cun 7 abitaziuns secundaras. En la part sura vers la via datti in hotel cun 53 chombras dublas. L’hotel sa cumpona da dus bajetgs ch’èn colliads in cun l’auter.
-
Bild 1 von 4. Visualisaziun dal nov hotel. Bildquelle: www.primeelements.ch.
-
Bild 2 von 4. Visualisaziun da las duas chasas cun abitaziuns. Bildquelle: www.primeelements.ch.
-
Bild 3 von 4. Visualisaziun da l'intern. Bildquelle: www.primeelements.ch.
-
Bild 4 von 4. Visualisaziun da l'intern. Bildquelle: www.primeelements.ch.
Far in pass en la dretga direcziun
La Prime Elements SA vul investir 24 milliuns francs per quest project. Els crajan en la regiun. Quella vegnia a sa sviluppar a moda positiva, betg mo pervia da la colliaziun da skis Andermatt-Sedrun. Marcel Thoma spera ch'ils turistichers possian far in pass en la dretga direcziun quai che pertutga marketing, promoziun e purschida.
Previs èsi da finir las duas chasas cun abitaziuns fin atun 2017 e l’hotel la stad 2018.