Ils 21 da favrer 1985 ha Muhammad Ali visità Vella. Pervia da quella visita datti bleras istorgias a Vella che han da far cun il campiun da boxar. Mintgin che ha vis el quai di ha sia atgna. Uschè enconuschent sco Ali è stà, è la sentupada cun el restada en la memoria da mintgin. Vinzenz Lechmann è in d’els che sa regorda da questa sentupada. Per el ha quai entschet cura ch’el è turnà d’ir cun skis. La nova ch’el ha intervegnì è stada: Muhammad Ali è ella ustaria da la Posta a Vella.
Ali davos la maisa canorta
Strusch da crair, ma igl era uschia. Il campiun da boxar american seseva a la maisa radunda. Vinzenz Lechmann va a chasa per in cudesch cun maletgs dal campiun e survegn da Muhammad Ali gist quatter autograms. Per la famiglia Lechmann datti anc ina ulteriura surpraisa. Avant l’ustaria prenda Ali lur figl Marco en bratsch. È quai vegn documentà cun fotografias.
Sin visita tar in ami
Il motiv daco ch’el aveva visità Vella è in possessur d’ina chasa da vacanzas a Vella. Willi Wolfinger, bain enconuschent a Vella, aveva fatg enconuschientscha cun Muhammad Ali en l’America. El ha carmalà il champiun quel di a Vella ed uschia procurà per nundumbraivlas istorgias.
-
Bild 1 von 5. Vinzenz Lechmann è adina stà in grond fan da Muhammad Ali. Bildquelle: RTR, L. Livers.
-
Bild 2 von 5. Muhammad Ali en l'ustaria Pellas. Bildquelle: mad.
-
Bild 3 von 5. Muhammad Ali davant l'ustria Pellas a Vella cun Marco, il figl da Vinzenz Lechmann. Bildquelle: mad.
-
Bild 4 von 5. Vinzenz Lechmann cun ina giacca signada da Muhammad Ali. Bildquelle: RTR, L. Livers.
-
Bild 5 von 5. In dals autograms da Muhammad Ali en il cudesch da Vinzenz Lechmann. Bildquelle: RTR, L. Livers.
La visita da Muhammad Ali cuzza mo in pèr uras ed el banduna puspè Vella. Avant che turnar enavos a Turitg han Muhammad Ali e sia escorta anc visità la baselgia da S. Bistgaun a Degen, sco Vinzenz Lechmann raquinta vinavant. Pertge quella visita a Degen a S. Bistgaun, gliez na sappia el betg.
RR actualitad mezdi