Il «Städtlifest» ha cummenzà venderdi da las 18:00 cun in til d'uffants davent da la Porta Sura giu en la tenda da festa sin la Plazza Cumin. Suenter l'act uffizial ha la festa prendì schlantsch en la citad veglia e sin la Plazza Cumin. Il tradiziunal «Städtlifest» n'ha dapi 2019 betg pli pudì vegnir realisà en sia grondezza usitada.
Impressiuns dal venderdi saira
-
Bild 1 von 13Legenda: Manuel Montalta, il president dal comité d’organisaziun, beneventa ils giasts. RTR, Franco Caviezel -
Bild 2 von 13Legenda: Il til d’uffants entschaiva en la plievgia. RTR, Franco Caviezel
-
Bild 3 von 13Legenda: La plievgia varga, la glieud sesa e giauda la bella saira. RTR, Franco Caviezel
-
Bild 4 von 13Legenda: En las giassas regia ina atmosfera patgifica. RTR, Franco Caviezel
-
Bild 5 von 13Legenda: Tschaina el «chalet» dal club da skis Glion. RTR, Franco Caviezel
-
Bild 6 von 13Legenda: U tuttina in kebab? RTR, Franco Caviezel
-
Bild 7 von 13Legenda: Davant la bar da la giuventetgna da Castrisch cun la biera. RTR, Franco Caviezel
-
Bild 8 von 13Legenda: Glisch verda tar la bar dal «Pub Pin». RTR, Franco Caviezel
-
Bild 9 von 13Legenda: Tar la Plazza Cumin. RTR, Franco Caviezel
-
Bild 10 von 13Legenda: In zic vi vart, in stan da textilias e termagls. RTR, Franco Caviezel
-
Bild 11 von 13Legenda: En la tenda da l'US Schluein Glion marscha pli tard insatge. RTR, Franco Caviezel
-
Bild 12 von 13Legenda: Stan da gieus. RTR, Franco Caviezel
-
Bild 13 von 13Legenda: Perspectiva or dal biro dad RTR. RTR, Franco Caviezel
En la citad veglia è blera glieud sa scuntrada. Il basegn da giudair ina bella festa da cumpagnia è palpabel. Quest onn hai 20 stans pli pauc ch’ils onns avant la pandemia. Ils stans da las uniuns èn dentant tuts puspè sin il plaz. A Glion è vegnì festivà fin tard en la notg.
Era la sonda durant il di ed alura la saira ha la festa carmalà ina massa glieud. La sonda è fitg populara tar las Sursilvanas e Sursilvans che stattan en la Bassa.
A nus èsi impurtant che mintgin che vul vegnir a la festa, vegn puspè a chasa.
Suenter la festa han quest onn bus da notg purtà ils giasts gratuitamain a chasa. E quai en mintga fracziun, era en il vitg il pli pitschen.
Dumengia en damaun a Glion
-
Bild 1 von 4Legenda: La festa è a fin RTR, FRANCO CAVIEZEL
-
Bild 2 von 4Legenda: Ils bancs èn mess ensemen RTR, FRANCO CAVIEZEL
-
Bild 3 von 4Legenda: Dapertut fastizs da la festa RTR, FRANCO CAVIEZEL
-
Bild 4 von 4Legenda: I vegn schubregià. RTR, FRANCO CAVIEZEL