Il center da servetsch da salvament Cadi vegn a collavurar a partir dal prim da matg cun il center da sanadad Puntreis a Mustér. Uschia possian ins garantir in servetsch d’urgenza e transport da malsauns effizient.
Sco il Spital regiunal Surselva communitgescha, vegnian ins ad installar en il center da sanadad Puntreis localitads da biro ed er la pussaivladad da star sur notg saja avant maun. Planisà èsi ch'ina equipa da salvament saja preschenta durant il di a Mustér davent da l'entschatta matg fin mez december. Durant la stagiun auta – mez december fin mez avrigl – duai la staziun esser occupada er la notg.
Quel temp che nagina equipa da salvament n'è preschenta a Mustér, per exempel la stagiun da stad durant la notg, garanteschia l'ambulanza da l'ospital da Glion ensemen cun ils medis da chasa il servetsch da salvament, scrivan ils responsabels.