L'Energia alpina haja inoltrà tar il chantun Grischun la dumonda da bajegiar per il project Sedrunsolar, scriva l'interpresa. L'implant fotovoltaic grond duai vegnir construì tranter las lavineras Scharinas e la sutgera Val Val – Cuolm Val sin il territori da la vischnanca Tujetsch.
L'interpresa d'energia locala che tutga a la vischnanca Tujetsch ha gia installà il mars 2023 in implant da test. Uschia hajan ins rimnà infurmaziuns custaivlas per optimar l'implant. Sco la Energia alpina scriva, sajan las pli grondas sfidas la logistica, las resursas, la protectiun da l'ambient sco era la rentabilitad.
Ils responsabels quintan cun la lubientscha l'emprim quartal dal 2024. L'emprima badigliada duai lura esser la stad. Per profitar da l'Express Solar da la Confederaziun sto 10% da l'energia gia vegnida producida fin la fin dal 2025.
Or da l'archiv:
