La radunanza communala da Sumvitg ha mardi saira approvà il quint annual da l'onn passà. Quel serra cun in surpli da 1,6 milliuns francs. Quai tar expensas da prest 7,9 milliuns francs.
En pli han ils da Sumvitg approvà la lescha davart l'indemnisaziun da las prestaziuns da la vischnanca en connex cun il provediment da forza electrica. Sco nov president da la cumissiun da meglieraziun ha la radunanza communala elegì Luzi Pfister da Vuorz.
