La chascharia a Breil e la mazlaria a Curaglia vegnan cun questa cunvegna renovadas ed engrondidas. Ellas fan part sco project parzial a l’Uniun «PSR Cadi», in'uniun purtada da tut ils projects parzials. Era part fa la «Stizunetta», ina stizun sin in bain puril a Mumpé Medel, in vischinadi da Mustér. Il quart project è la realisaziun d’ina plattafurma da distribuziun e reclama per products da la part sura da la Surselva.
Fasa da realisaziun sis onns
La fasa da realisaziun è vegnida fixada sin sis onns a partir da mez dal onn 2022, scrivan ils responsabels. En quest temp han tut ils projects d’esser realisads. Ils custs totals stima l’uniun sin circa 10 milliuns francs. Ina finanziaziun parziala vegn dal chantun e la Confederaziun. La gronda part vegn finanziada dals purtaders da project.
Emprim «PSR Medel» uss «PSR Cadi»
Naschida era l’idea sco «PSR Medel» l'onn 2018. Pli tard han ins engrondì la lavur da planisaziun sin l’entira Cadi. In dals projects gia dapi l’entschatta è l’engrondaziun e renovaziun da la mazlaria, che va uss en la fasa da realisaziun. In ulteriur era l’installaziun d’ina ovra da biogas. Quella vegn tenor ils responsablas il mument betg realisada - ins evalueschia alternativas pussaivladads da promoziun per la producziun da biogas.