La Val Lumpegna dador Mustér è ina val cun in guaud da schurmetg che protegia la via chantunala ed era il tren. Fin oz ha quest guaud anc mai survegnì ina tgira e sco quai ch'il selvicultur da revier Simon Cathomen di haja quai era da far ch'il guaud n'è betg accessibel tras ina via.
Ussa vegnan var 1'000 plantas derschidas e lura transportadas davent cun il helicopter. La finamira è in guaug che sa regiuvinescha puspè. Er duai sper il pign crescher il tieu. Quella planta è pli resistenta a la midada dal clima. Las chalurs e sitgira promovan era il bau-scorsa, quai saja era stà da sentir questa primavaira. Tras ina vegetaziun fitg avanzada ha quel cumenzà a sgular baud e po per quest motiv avair fin trais generaziuns en in onn. Normalmain sajan quai ina fin duas generaziuns, di Simon Cathomen.