Presidi communal a Flem - Fantini sa preschenta sco terz candidat
Per l'elecziun dal presidi da la vischnanca da Flem datti entant in terz candidat. Nicola Fantini ha communitgà ch'el veglia candidar per l'elecziun dals 27 da settember.
L'econom da manaschi ed informaticher da 55 onns s'engascha tranter auter per mantegnair il center da sport Prau la Selva.
Dasper Fantini aveva gia Martin Hug – che chala sco mainafatschenta da l'Arena Alva – annunzià da vulair candidar encunter il president en uffizi Adrian Steiger.
