Ils 17 da matg avess il suveran da Flem gì da decider davart l'avegnir dal center da sport Prau la Selva. Uss ha la suprastanza dentant decis da spustar la votaziun, sco quai che la Südostschweiz scriva.
Motiv per la decisiun saja la sditga da la radunanza communala dals 23 da mars. I na saja era anc betg segir sche la radunanza communala dals 11 da matg vegn manada atras. Cunquai ch'ina u l'autra da questas radunanzas avess er tractà il tema Prau la Selva, ed i saja impurtant d'avair avant la votaziun questa radunanza cun ina orientaziun, saja la votaziun stritgada.
