A Flem decida il suveran pir ils 29 da november davart il center da sport «Prau la Selva.» Atgnamain era quella votaziun prevesida per il matg. Pervi da la crisa da corona vegn quella però spustada.
Al proxim termin da votaziun, che fiss ils 27 da settember, saja dentant gia previs da decider davart memia blers auters projects. Ina campagna da votaziun objectiva na fiss lura betg pussaivla, argumentescha la suprastanza communala da Flem.
La radunanza communala en la quala il center da sport «Prau la Selva» vegn tracta, ha lieu ils 5 d'october.