Surselva - Peter Kreiliger nov manader dal center da furmaziun Surselva
Il center da furmaziun Surselva cun sedia a Glion survegn in nov manader da fatschenta. La cumissiun dal center ha elegì Peter Kreiliger da Castrisch en quest post.
Sco la cumissiun scriva saja Peter Kreiliger ina persunalitad cumpetenta e communicativa. Il mument lavura Kreiliger tar la televisiun svizra SRF a Turitg. Peter Kreiliger cummenza sia lavur sco manader dal center da furmaziun Surselva la fin da quest onn.
