Ils daners vegnan concedids en il rom da la Nova politica regiunala da la Confederaziun - lezza metta a disposiziun in emprest dad 8 milliuns francs. L'access al Patrimoni mundial da la UNESCO Arena tectonica Sardona duai vegnir realisà cun la construcziun d'ina telecabina da diesch, in uschenumnà rope taxi che cursescha en moda autonoma. L'entir project vala sco in'innovaziun mundiala. Ils custs d’investiziun da l’entir project importan circa 79 milliuns francs.
Glisch verda per protecziun da crudada da crappa a Claustra
En pli ha la regenza approvà in project cunter crudada da crappa a Claustra. Quel duaja vegnir realisà en trais etappas ed esser terminà il 2014. Il chantun sa participeschia cun ina contribuziun da maximalmain 2,3 milliuns francs als custs budgetads da 4,6 milliuns francs.
