Opera Viva - «Semiramide» finalmain sin tribuna

I saja stà ina gronda dischillusiun ch'ins haja stuì spustar «Semiramide», di il manader artistic e dirigent Gion Gieri Tuor. Impurtant saja stà da tegnair ensemen l'ensemble ch'els avevan gia furmà il 2019. Els hajan gì cletg che tut ils solists e tut las solistas hajan exnum er vulì esser da la partida quest onn. Tar il chor che sa cumpona sulettamain da persunas indigenas haja dà intginas midadas.

Las provas per «Semiramide» han cumenzà l'entschatta da l'onn. Els hajan avunda temp e tut giaja tenor plan. Er sch'i haja l'entschatta dal 2022 anc dà intginas restricziuns na lavurian els betg auter che tschels onns. Il plaschair che l'ovra da Rossini po finalmain vegnir preschantada è grond. Semiramide ha lieu dals 29 da fanadur fin ils 13 d'avust a Sursaissa.

Ord l'archiv

Las entschattas da l'Opera viva