-
Bild 1 von 3Legenda: La stalla da columbas cun volièra. RTR, Reto Pfister -
Bild 2 von 3Legenda: Ils ignivs nua che las columbas cuan ora lur ovs . RTR , Reto Pfister
-
Bild 3 von 3Legenda: La vista ord la columbera. RTR, Reto Pfister
A Duin vuless Romano Deplazes entschaiver cun ina tratga da columbas da charn. Planisà era che las columbas vegnan furnidas la davosa emna direct ord la Frantscha.
Columbas na correspundan betg a las leschas svizras
Curt avant che las columbas avessan gì dad ir sul cunfin, ha l'acziun stuì vegnir interrutta. Las columbas ord l'UE na correspundan betg a la lescha svizra.
Il punct dispitaivel è la virolaziun cunter in virus fitg contagius, ch'è parent cun la pesta da giaglinas. Fertant che l'UE pretenda ina virolaziun cunter il virus «Newcastle Disease», scumonda la Svizra quella.
Dentant – er en Svizra datti differenzas
Auter che las columbas da charn dastgan vegnir viroladas las columbas da hobi. Che la situaziun è cumplexa confirma era il veterinari chantunal Giochen Bearth. Perfin ils contracts bilaterals cun l'UE han in'influenza sin l'import da las columbas. Sco el di saja grev da tegnair en tut las leschas e tuttina survegnir columbas da buna qualitad.
RR actualitad 11:40