Tenor il plan da finanzas 2021 – 2025 s’augmenta il daivet net da la vischnanca da Mustér sch’i vegn investì sco previs da 1'000 a passa 8'000 francs per abitant.
Investiziuns da passa 17 milliuns francs
La vischnanca da Mustér vul investir netto ca. 17,3 milliuns francs ils proxims tschintg onns. Ils projects gronds èn:
- Center da sport e cultura: 1. etappa per sanaziun ed adattaziun netto ca. 8,69 milliuns francs
- Vias communalas: netto ca. 2,8 milliuns francs
- Vias forestalas: 4 milliuns francs (2021-2030)
- Serenera Raveras: ca. 1,25 milliuns francs
Projects che cuntinueschan:
- Meglieraziun funsila: 30 milliuns francs credit brut (entaifer 30 onns), per vischnanca ca. 120’000 francs ad onn
- Contribuziun baselgia claustrala s. Martin: 1 milliun francs, da pajar en 10 onns
Betg investir fiss in grond pass enavos
Sche tut las investiziuns vegnan fatgas sco previdas, s’augmentan ils emprests fin 2025 a 27 milliuns francs. Fin alura sa reducescha il cashflow da 735’000 a 698’000 francs.
Sco la suprastanza communala scriva en il messadi per il plan da finanzas saja ella persvadida ch’ins stoppia far las investiziuns necessarias.
Betg investir il mument actual fiss per nossa vischnanca e per in bun futur per las proximas generaziuns in grond pass enavos.
La suprastanza propona al cussegl da vischnanca da prender enconuschientscha dal plan successiv da finanzas 2021 – 2025 a la seduta dals 21 d’avust.
Per tadlar curt e concis:
