L'enviern chaud ha fatg pli bunmartgà il mantegniment dal Pass dal Lucmagn. Ed en tut n'han autos e camiuns mo trais dis ed otg notgs betg pudì passar il pass. L'organisaziun Pro Lucmagn ha annunzià quai en ses rapport annual.
L'enviern 2021/22 è sta signà da pauc naiv e temperaturas autas, cunzunt sin la vart dal sid da las alps. Dapi mez favrer è il pass lura stà avert l'entir temp. Mo al cumenzament dal december hai dà in privel da lavinas da la vart dal nord dal pass, e lura anc ina giada la fin dal schaner.
![Ina tabla durant l'onn 2000 renviescha sin l'avertura dal Lucmagn durant l'enviern.](https://www.rtr.ch/static/cms/images/960w/b5a50c.jpg)
545'000 francs ha il mantegniment custà l'onn passà. Quai è radund 80'000 francs sut la media dapi l'avertura dal Lucmagn l'onn 2000. Las maschinas dal consorzi da rumida èn stadas en funcziun 520 uras per rumir las vias. L'enviern 2020/21 eran ellas anc stadas en funcziun 1'272 uras. Alura è il pass stà serrà 50 dis.