La via dal Lucmagn sin il territori «Tuf Crusch» a Mustér duai vegnir pli segira. La regenza ha approvà in project da protecziun cunter crudada da crappa per in mez milliun francs, uschia scriva il chantun. Concret vegnan las taissas paraids-crap per lung da la chavorgia dal Rain da Medel segiradas.
Regularmain crudada da crappa e blocca
Ils ultims dus onns sajan vegnidas registradas duas crudadas da blocca che hajan tangà directamain la via, uschia ch'i ha periclità e franà il traffic. La primavaira 2020 è il vial da la vart da la muntogna stà serrà durant plirs mais suenter ina crudada da crappa. Suenter quest eveniment han ins fatg analisas e decis d'allontanar grippa e montar raits.