Medel - Onn per onn pli paucs – l’exempel da la Val Medel
En tut las regiuns rumantschas è la populaziun sa sminuida ils davos 10 onns. Il pli ferm è la digren en la Surselva e là il pli ferm en la vischnanca da Medel, numnadamain minus 17%.
Ils onns grass, ils onns 60 cura ch’il mir da fermada sin il Lucmagn è vegnì construì dumbrava la val 835 abitants. Oz vivan anc 366 persunas en la val.
Ils uffants mancan
Enfin il 2000 avevan las annadas da Medel sis enfin nov uffants. Suenter la midada dal millenni è il dumber sa sminuì. Ils davos 10 onns hai dà trais onns senza ina suletta naschientscha. La consequenza: dapi l’atun passà è la scola a Curaglia serrada. Tut ils uffants van uss di per di a Mustér a scola.
Per cletg n’èsi betg mo enta Medel uschia, uschiglio fissi da bragir.
Film «Onn per onn pli paucs»
Avrir la boxSerrar la box
Il film da Bertilla Giossi è da vesair dumengia, ils 10 da mars 2019 en l'emissiun Cuntrasts a las 17:25 uras sin SRF1 ubain
qua
online.
