En la Lumnezia ha in guardiaselvaschina sajettà la sonda in luf mastgel. Quai scriva l’Uffizi da chatscha. Il luf era blessà grevamain vi da la spatla. Il cadaver vegn tramess a l'universitad da Berna per intercurir la blessura en detagl ed a Losanna vegn analisà genetic tar tge triep ch’il luf tutgava. En la regiun sa movan il triep dal Wannaspitz ed il triep da Valgronda.
Lubientscha dal BAFU
Plinavant è vegnì enconuschent ch'il chantun dastga sajetar dus luffins dal triep Wannaspitz. L'Uffizi federal d'ambient ha dà la lubientscha ils 28 d'october. In dals giuvens è entant gia vegnì sajettà sin il territori da Val son Pieder, sco igl è vegnì enconuschent. Quai munta ch'ins dastga anc sajettar in luf giuven dal triep che sa mova tranter las vischnancas da Lumnezia, Val son Pieder e Glion.
