Gia per la terza giada ha la «Girls Crew Switzerland» organisà in curs da skateboard exclusivamain per dunnas a Laax.
Quel duai promover la conscienza da las dunnas e reducir pregiudizis. Independentamain da la vegliadetgna u da las enconuschientschas preliminaras saja mintga dunna bainvegnida en quest curs, uschia ils organisaturs. E cun totalmain quatter persunas d'instrucziun èn ins sa drizzà individualmain als basegns da las participantas.
Uschia èn 17 dunnas da tranter 18 e 50 onns vegnidas ensemen sonda passada per sa deditgar dus dis dal tuttafatg al skateboard. Cun enconuschientschas preliminaras èn intginas dad ellas gia idas cun curaschi sin il pumptrack, entant ch'autras eran insumma per l'emprima giada sin l'aissa. La finamira da las participantas era cunzunt da survegnir dapli segirezza cun ir cun il skateboard e da duvrar il skateboard er en il mintgadi.
-
Bild 1 von 4. La scolasta dal curs Annina Brühwiler declera differents models da skate – e longboards a las participantas. Bildquelle: RTR.
-
Bild 2 von 4. La devisa è «Ir cun skateboard sco ina matta». Bildquelle: RTR.
-
Bild 3 von 4. Emprimas emprovas da cursa sin in parcadi. Bildquelle: RTR.
-
Bild 4 von 4. La chapellina d'ina participanta cun in tatgader che pretenda «Betg ir cun skateboard fa la tgagia». Bildquelle: RTR.