Las istorgias che Livia Rita creescha ensemen cun in entir team da persunas da l'entir mund è in mund surreal. Qua sa maschaidan musica e chant cun sentiments, vibraziuns e temas – cun draguns e creatiras magicas – sco era cun la natira reala, odurs e persunas che performeschan questas visiuns.
L'aspectatura na taidla betg suletta sias chanzuns, mabain po sa sfundrar, sco sch'ella fiss en in gieu magic. Quai po era far in pau sgarschur, perquai che l'idea da Livia Rita è da mussar sentiments e temas betg adina empernaivels cun sia nova producziun. Era quellas emoziuns duain survegnir in plaz e pudair vegnir descrittas e sentidas.