La giuventetgna da Rueun tegna ensemen. Quai malgrà che l'infrastuctura da Rueun na porscha betg bler per ils giuvens. I na dat nagina stizun en il vitg e be pli in'ustaria giudim il vitg. Dentant l'engaschi dals giuvens è qua. Joris Tomaschett ha mussà a nus tge ch'è tut pussaivel cun in'uniun intacta a Rueun:
audio
Rueun: La giuventetga è leda d'avair in lieu per s'inscuntrar
ord Actualitad dals 03.07.2020.
laschar ir. Durada: 3 minutas 26 Secundas.
Ils lieus da s'entupada èn dentant scarts. In è il local en la scola veglia che tutga a l'US Rueun. Ma els s'inscuntrian savens là.
Per Joris Tomaschett che na stat il mument betg a Rueun èsi dentant er ina finamira da puspè in di turnar en il vitg. I saja bel da star là cun uffants, perquai ch'i saja fitg ruassaivel. En l'avegnir na vegnia forsa betg a dar dapli economia en il vitg, ma almain abitants che vulan star là.
